雙聲頻道

　　我們現在的學校，“請講普通話”，誰都沒有興趣教小朋友講出標準的廣府話。自生自滅的結果，就是我們的年輕人只會講“普通話化的廣府話”，不及格的。

　　余福智專欄

　　余福智，七十好幾嘞，一生好發下牙痕。講啲都係唔三唔四嘅嘢，所以撞板多過食飯。平日鐘意唱幾句歌仔：“又喊又笑，烏蠅打醮，蠄蟧瀨尿，老鼠行橋。”同朋友之間，傾得埋就有講有笑，傾唔埋就畫咗隻耳仔上墻。

　　粵語版

　　仲係要提返起嗰篇《語言也是硬實力》。作者話，語言甚至係經濟資源。同語言有挐掕嘅技術産品，係個新興産業。新興産業？及時雨啵！依家我地唔係今日嗌轉型，聽日嗌創新咩。

　　戙起手指計下條數吖：全世界咁多華僑，當中老廣成數又最高，剩係講海外市場，創新出廣府語言産業，就好有數為嘍。之不過，呢味嘢係要有人才先至搞得掂咖啵。人才呢？我地啲教育部門夠唔夠膽拍心口，話我地可以有把炮培養到足夠嘅技術人才，可以滿足到廣府語言産業發展嘅需要呢？

　　我地依家啲學校，“請講普通話”，邊個都冇興趣教返啲小朋友講返正啲廣府話。自生自滅嘅結果，就係我地啲後生只會講“普通話化嘅廣府話”，唔夠班嘅。

　　前事已忘，後事無師，責任歸誰？不了了之！--唉！

　　普通話版

　　還是要重新提起那篇《語言也是硬實力》。作者説，語言甚至是經濟資源。跟語言有關係的技術産品，是個新興産業。新興産業？及時雨喲！現在我們不是今天喊轉型，明天喊創新嗎。

　　豎起手指算一算數吧：全世界這麼多華僑，其中老廣比例又最高，光講海外市場，創新出廣府語言産業，就大有商機了。可是，這件事是要有人才才能做好的啊。人才呢？我們的教育部門敢不敢保證，説我們可以有能力培養出足夠的技術人才，可以滿足廣府語言産業發展的需要呢？

　　我們現在的學校，“請講普通話”，誰都沒有興趣教小朋友講出標準的廣府話。自生自滅的結果，就是我們的年輕人只會講“普通話化的廣府話”，不及格的。

　　前事已忘，後事無師，責任歸誰？不了了之！--唉！