辣倫敦奧運會開幕個辰光，我勿禁想起上海港“老碼頭”周欽良年輕辰光垃拉奧運賽場浪向為國增光個事體，也勾起了我搭仔老人交往個一段難忘回憶。

　　二十八年前，我垃拉上港六區政治處當黨委秘書，組織浪要我負責核查“文革”期間抄家物品並著手發還或賠償事體。落實政策個名單裏有一個已經退休個名叫周欽良個倉庫員。

　　一個赤日炎炎個下半天，我按照地址尋到了位於萬航渡路個周家。開門迎接我個是一位風度翩翩、溫文爾雅個白髮老人。儘管天氣炎熱又辣辣屋裏向，但老人卻仍舊衣著端莊，滿頭銀發梳得整整齊齊，伊就是周欽良。聽我講明來意，老人馬上熱情讓座、端茶。談話裏向，老人來勿及提起其他抄家物品，而是急辣要求我幫伊尋回伊撥造反派抄走個幾十件獎牌、獎狀搭仔獎盃。談話裏曉得，老人從小熱愛體育，但垃拉撥外國人稱為“東亞病夫”個舊中國，賽場浪洋人趾高氣揚，中國選手卻屢遭淘汰。搿深深刺痛了伊幼小個心靈。乃末伊練長跑、練競走，又搭仔同伴一道組織了競走隊。堅持勿懈個鍛鍊為國增光個志向終於使得年輕個周欽良走上了領獎臺。辣1930年舉行個上海“萬國競走錦標賽”浪，周欽良獲得冠軍，伊個競走隊也榮獲團體第一名。手捧獎盃個周欽良並嘸沒就此滿足，更嘸沒停步。伊決心走到奧運賽場去，為祖國爭得更大個榮譽。1936年，第11屆奧運會垃拉德國柏林舉行。已經辣競走界嶄露頭角個周欽良接到了參賽通知，隨中國代表團出征奧運。就垃這屆奧運會浪，雖然中國隊慘遭“全軍覆沒”，吃了一隻“大鴨蛋”，但周欽良個競走卻得了個“姿勢優美獎”。可惜個是，“文革”當中老人年輕辰光奮力拼搏所獲得個幾十件獎品撥造反派洗劫一空。老人一直心痛啊，伊希望有朝一日能物歸原主，了卻自家個心願。

　　看我聽得入神，老人越講越興奮，還特意拿出劫後倖存個照片撥我看。看到照片浪介許多精緻個獎牌、獎盃跟當年英姿勃勃正辣競走個周欽良，我勿禁對眼前搿位白髮老人肅然起敬。後來我又曾好幾趟去過老人屋裏。伊每趟看到我，眼睛裏向總懷仔期盼個目光。我深感內疚，因為已嘸沒辦法為老人尋回失去個獎品。我曉得，搿點獎品垃拉老人個心裏比性命還寶貴。

　　現在老人已懷著深深個遺憾而去世。伊個幾十件彌足珍貴、足以記載辣中國體育發展史浪向個獎品也永遠湮沒人間。但老人為中國體育走向世界所做出個貢獻將一直留辣大家個心裏。

　　我深深個懷念伊，周欽良──可敬個上海奧運老人！

　　周余愚(1908~1994)，又名周欽良，浙江寧波人。1908年出生於上海，我國早期體育家、著名競走運動員，三十年代稱雄體壇。綽號:“神行太保”。幼年在上海和安小學讀書，中學就讀于聖約翰附中，又于1926年考入上海滬江大學。

　　1936年代表中國參加第11屆奧運會競走比賽，排名第23位，獲姿勢優美獎。