文/沈鴻鑫

　　【新民晚報推薦】辣海一百多年之前，有一點上海人為了搭到上海來個外國人交流，開始講起了洋涇英語。

　　當時上海有條河叫洋涇，伊是黃浦江格支流，東起黃浦江，西到現在個西藏路。個北面是英租界，個南面是法租界。1914年，洋涇填平造馬路，馬路名叫愛多亞路，就是今朝個延安東路。因為洋涇是英、法租界個交界地，個兩岸華洋雜居，洋行、教堂分佈，西方外交官、商人、海員、傳教士出出進進，邪氣頻繁，商務貿易、文化交流著實興旺。乃末講閒話交流成了難題。當地有一眼稍為懂點英語個人就充當起翻譯搭導游來哉，當時個名頭叫“露天通事”。上海有一首竹枝詞，迭能講：“露天通事另歸司，各國人言無不知。出入城廂市井內，用錢先講後來支。”而不少華人要跟外國人做生意，也只能學幾句英語，夾雜一眼上海閒話來跟洋人交流。這種半土半洋、“夾生”的英語就被稱做為洋涇英語。洋涇英語在英語中寫作pidgin，意思是混雜英語，翻譯過來叫“別琴”。比如Cando？（Canyoudothisforme？）Paymyhotwater.（Getmesomehotwater.）Whatside？（Whereisit？），搿點儕是搿個辰光通用個“洋涇語”。後來辣上海，凡是迭樁事體勿正宗、勿地道，儕譏諷為“洋涇”。一種是用上海閒話講英語，譬如拿銀元、大洋説成“大拉斯”，鈔票多叫“麥克麥克”，沒有鈔票叫“癟的生司”，全部叫“擱落三姆”，打撲克牌廿一點叫“圈的混”等等，儕是讀英文詞讀出“洋涇”來。有首竹枝詞迭能説：“清晨相見谷貓迎，好度由途敘闊情。若不從中肆鬼肆，如何密四叫先生。”另外一種是拿英語當中相近字母拼音個勿同詞彙混辣一道用，像紙張、炮彈、關門等垃拉英語當中拼法相差勿是老多，但實際浪並勿相同個，可是辣洋涇英語中一概全讀成功“若脫”。有一首竹枝詞寫道：“紙張、炮彈與關門，短字、呼號一例論。五者同聲名若脫，何妨一口囫圇吞”。第三種是英語詞語用漢語、上海閒話個語法來拿伊拉聯綴起來，變成土洋相雜個語言。上海著名滑稽藝術家姚慕雙、周柏春曾經演過一段《學英語》個獨腳戲，對洋涇英語作過誇張個描寫，講小滴子帽子讀成“西瓜皮het”，黑個漏空皮鞋讀成“black洞洞眼shoes”，兩輛汽車在三岔路口香鼻頭，撞壞脫，裏面個人全部受傷，翻譯成：“twomo-torcars在three岔路口kiss，乒碰拍冷打，themeninside統統喔唷哇！”觀眾聽仔會笑痛肚皮。洋涇英語是上海向外開放口岸初期出現格一種歷史現象。

　　今朝學生子從小學就開始學英語，中學、大學裏更是拿英語列為重要個課程。再也勿講以前迭種洋涇英語了。