粵講越有料

　　欄目主持/鐘達文

　　“貪口爽”，顧名思義，就係有D人講嘢只係貪圖嘴上講得痛快，但最後卻未必能真正實施，或者講出來嘅話也未必反映真實情況。而現今，“貪口爽”嘅人仲真係一點不見少，在一定程度上助長咗信息爆炸時代的“爆炸強度”。小記在呢道提醒，市民個人講嘢要謹慎，千萬唔好只顧“貪口爽”。

　　交警承諾年內治好10大擁堵點

　　本報4月9日報道，東莞交警部門嘅多位領導在參與網絡互動直播時表示，今年初東莞市交警支隊已排查咗市區10個交通擁堵點，接下嚟會綜合採取設置紅綠燈、安裝道路中央護欄、改造路口等措施改造這些擁堵點，爭取在年內完成治理工作。

　　有嘢講：東莞塞車越嚟越嚴重，呢個係唔使爭嘅事實。講到原因呢，車輛數量不停增加，當然係其中一個重要原因。不過，有部分道路規劃唔合理、交通設施落後等亦都係唔可以忽視嘅因素。這些都需要東莞交警部門“給力”解決。

　　從目前交警支隊嘅表態嚟看，他們還確實係度落功夫做嘢。小記希望佢地並非只係在同網民交流時“貪口爽”才説出來的。市民更需要嘅唔係漂亮痛快嘅“表決心”，而係堅決執行、實現目標嘅行動。

　　髮發微博學生被判道歉

　　本報4月13日報道，因為唔滿意自己所在村嘅村幹部將自家房屋旁邊及周圍嘅花草樹木清除，事發時未滿18周歲嘅在校學生曉輝將村幹部實施清除過程嘅照片發到微博上表示不滿。6名村幹部以名譽侵權為由起訴曉輝。

　　東莞市第一人民法院一審認定被告曉輝構成名譽侵權，判令曉輝向6名村幹部賠禮道歉，但並未支持原告精神損害撫慰金6000元嘅請求，僅判令曉輝父母賠償696元嘅公證費。

　　有嘢講：3月中旬以來，我國互聯網信息管理部門會同通信、公安等部門清理嘅各類網絡謠言信息已達21萬多條，公安機關還拘留了一些散播謠言嘅網民。可見，我國嘅網絡亦絕對唔係一個可以俾各位“貪口爽”嘅地方。

　　小記覺得，學生網友曉輝被起訴嘅呢個案子裏，或者好少人能百分百保證村官們當真唔係“貪污村長”，亦都無咩人可以百分百保證佢地冇“橫行霸道”嘅行為，但在冇證據嘅情況下便“貪口爽”地開罵，便違反咗“不妄言”嘅原則，被判敗訴道歉賠償也自然唔奇怪了。