作者: 吳家順(內容由Quamnet提供)

　　中央再度放水，調減存款準備金０．５％，有説是預期之內，有説中央加大放水，股市爆頂在望等，這點我們總總要靠估，但就可以好肯定，又有春江鴨，因為當天的國期期指及期權又有不同程度的異動，原來做大戶真喺好的哦！

　　港股昨天裂口高開，然後全日回落，雖然筆者狀態未算理想，但昨天于Ｑｕａｍｎｅｔ收費版吳係講股中，于２１７５０水平亦明言沽得，總算可以，同時筆者認為，市況並未如市場想像般一面倒利好，其實仍有著一些不隠性的因素，而如果真的有個強勁一點的震倉出現，力度可以嚇親人，所以現階段，比較採取觀望態度為主一點。

　　注意，並不是筆者認為市況已見頂，而是短線容易有所震盪，不算是一個很好的短炒時間（本身有淡倉捱價位，並落注于個別股份中作一個組合）。

　　其他所有投資産品，包括澳元及紐元等，同樣認為大多不值博，但此時此刻要做淡，又好似逆大勢般，要順手者及膽大者所為，最想做淡的歐元又末到筆者心目中打算做淡的價位，所以筆者認為，暫時來講，在主流的投資市場當中，並無一項特別好炒，可能最好炒的是──中銀紀念鈔！

　　中銀紀念鈔好炒在於，本身有票面值（雖然唔會有人用），抽中咗先俾錢，唔中唔會鎖死資金，較抽ＩＰＯ好無限倍！不是叫大家排十小時隊買得一兩張，而是上網登記，再等派彩。日前已經截咗止啦。

　　最後，本欄不是政治欄目，也知道沒有最好，只有更好，但作為香港社會一份子，都責任出句聲，齊齊踼走龍豬，拒絕豬頭豬腦禍及香港，龍豬請收皮（注，筆者認為唐宮本無問題，但應對方面實在太過差勁，差到頂你唔順的地步）！

　　港交所最新的産品‘恒指波幅指數期貨’昨天登場，成交少得可憐，但當中又不是沒有趣聞及機會，筆者于３月１日有個講座講及相關産品的各項資訊，以及用法，想提升自己的功力者，可報名。