作者: 黃國英(內容由Quamnet提供)

　　香港過去幾十年只係有地産霸權，並無股票霸權。房地産令很多人得以成為巨富或中富，但買股票的人十之八九輸到嘔，虛度年華，香港人熱愛買樓對股票冷感，是十分正常。

　　外公係越南華僑，當年相當顯赫，可惜在越戰時代轉眼間所有不動産價值變成零，這個經驗令他六十年代來到香港後對地産不再熱衷，只係做生意同買股票。

　　當然香港不會似越南打內戰，瞬間地産化為烏有，但就算一個地方天下太平，例如日本美國一樣泡沫爆破，一蹶不振。香港其實已經好好彩，在97年時爆過一次，因為中國自由行的幫助，香港先可以有二度泡沫，是一個奇跡。但這個二度泡沬是否可以無止境落去呢?

　　從需求面推敲，若果是首次置業，其實可以等政府出優惠措施，而對於換樓客，因為現時按揭比率和利息問題，換樓其實比較難。至於大陸客，內地銀根仍比較緊，當香港樓市失去段段飛升的動力，大陸客用人民幣買香港樓年年輸匯水都3至5%。無論下屆特首係唐英年還是梁振英，樓市都不似會大躍進。

　　加上買樓係一個慢的致富方法，買樓同做生意最大的分別係可複製能力。做一盤生意，例如味千，只要做好系統，賣同一樣嘅拉麵，管理員工﹑供應鏈﹑以至市場推廣，開十間鋪和一間鋪的分別不大，當建立規模之後，複製程序只會愈來愈易。炒一間樓要變成炒十間樓相對來講就艱難得多，要有資金又要有膽色，仲要市場存在咁多筍盤，所以香港中産階級多而鉅富少。撇除幾大地産商，以房地産成為鉅富的香港人，其實本身都有一盤生意作為提供彈藥的根基，房地産原本是藏富的工具，遇上大牛市，並且生意愈來愈難做，才喧賓奪主。至於外公當年不靠房地産，只靠生意及股票也令他豐足下半生。

　　初出矛蘆的年青人，想赤手空拳打到發達，不宜再想老調重彈靠層樓發達，現時買樓門檻已太高，手續費又貴，進一步上升動力成疑問，而且隨時因為供樓的負擔，不敢在生意或事業上冒險，自己97年不撻訂，肯定不會有今日。至於中産，樓只可以提供穩定收入，要再快速更上一樓近乎不可能。對一般市民而言，炒樓致富方式已經往事只能回味。

　　既然知道武功被廢，要逃出生天甚至稱霸武林，最重要的是夠膽去博，由現在開始就要用新招，夠膽在市場中左穿右插，才可以殺出新血路。

　　3月3日，灣仔伊館，我會教你如何認識市場新趨勢，殺出重圍。

　　黃國英貪婪恐懼股海二十年 – 門票于城市電腦售票網，各大會堂及通利琴行有售。詳情請參閱以下網址:

　　http://blog.yahoo.com/_QV5MGN2N5MX63433H2OHK3ILGM/articles/596745/index