Хятадын шилдэг их дээд сургуулиуд

12-09-2015 18:48

 Жэжяний Их Сургууль

Жэжяний Их Сургууль Хятадын Жэжян мужийн Ханжөү хотод байдаг. Энэ сургууль Хятадад цар хүрээгээр хамгийн том, эрдэм шинжилгээний салбараараа хамгийн иж бүрэн судалгааны ерөнхийлсөн чанартай, олон улсад нэр нөлөөтэй их сургууль юм. Жэжяний Их Сургууль философи, эдийн засаг, хууль, боловсрол судлал, утга зохиол, түүх, байгалийн шинжлэх ухаан, аж үйлдвэр, хөдөө аж ахуй, анагаах ухаан, удирдлага зэрэг 20 салбар ухаанаар боловсон хүчин бэлтгэж байна.

Одоогийн байдлаар, тус сургуульд 3000 гаруй багш ажилтан, 40 мянга гаруй оюутан суралцаж буйгаас магистрант 10 мянга гаруй, докторант 8000 гаруй, гадаад оюутан 3000 гаруй байна. Жэжяний Их Сургуулийн эдийн засаг, хууль, байгалийн шинжлэх ухааны эрдэм шинжилгээ өндөр амжилтанд хүрчээ. Тус сургуулийн харьяа 6 сургуулийн хүрээнд байх номын санд 6 сая 400 мянга гаруй ном хадгалагдаж байна. Энэ бол Хятад улсдаа цар хүрээгээр хамгийн том, хамгийн олон номтой их сургуулийн номын сангийн нэг юм.

Сургуулийн цахим хуудас http://www.zju.edu.cn/