富婆黎姿婚後生活 變短髮開百萬寶馬買菜

　　120萬靚車 富婆黎姿到底有幾富貴？掃貨當日駕駛120萬寶馬，然後返回市值2億的寓所，就可知到黎姿生活富足，可專心做好少奶奶本份。

　　38歲的黎姿恨做媽媽，去年榮升馬太后，便深居簡出，調養身體，隨即被誤傳有喜；3月29日，記者見黎姿現身中環超市買，穿上貼身Tee的她纖瘦可人，身上丁點肥肉都沒，然而，為生仔，黎姿將留了多年的長髮剪掉，以清爽短髮示人，心情勁靚的黎姿揀完鮮果揀凍肉，務求以愛心晚餐?老公，見記者採訪，黎姿大方任影，問她何時生BB，黎姿即風騷勁笑，之後便親駕落地僅得一星期、價值120萬的寶馬6係跑車返回蘭心閣愛巢。

　　入行23年的黎姿，去年含淚宣佈退出娛樂圈後，便與拍拖6年的52歲富商馬廷強（Patrick）在澳洲註冊結婚，有傳黎姿胞弟黎嬰因行動不便，故未能赴澳洲觀禮，愛錫家人的黎姿才於今年2月在半島酒店補擺兩晚囍宴。

　　為替夫婿繼後香燈，黎姿自爆很想生小孩，婚後黎姿選擇深居簡出，以便調養身體，少見人，難怪月初被傳已懷有3個月身孕。